Dogterskrieket kraai weer koning!
Die kolwe het geklap, die paaltjies het gespat en Wollies se eerste dogterskrieketspan het die seisoen
onoorwonne klaargemaak. Met harde werk, deursettingsvermoë en vasberadenheid is elke wedstryd
gedurende die seisoen aangepak.
Wollies het bo in hulle poel geëindig nadat hulle Schweizer-Reneke, Schoonspruit, Gimmies, Mathlosana
Hub en Ikageng Hub oortuigend gewen het. In die semi-finaal reken hulle af met Hoërskool Rustenburg
en kom weer teen Ikageng Hub te staan in die finaal.
Die finaal het plaasgevind op die Witrand Oval, in Potchefstroom. Wollies het die loot gewen en besluit
om eerste veldwerk te doen.Wollies haal Ikageng almal uit vir 94 lopies, in die 16de beurt. Wollies gaan
hierdie telling verby in die 13de beurt met slegs 2 paaltjies plat, danksy goeie kolfwerk deur Wilmi
Mostert en Melissa Erasmus.
As Noordwes wenners het Wollies weereens bewys dat hulle nie terugstaan vir skole met ‘n baie hoër
leerlingtal nie.
Saam met hierdie uitnemend dogters gee ons al die eer aan die Here.
Soli deo Gloria.
